Čuvges boahttevuohta sámi báikkálaš servodagaide ja davviguovlluide!
Sámediggi – čielga álgoálbmotjietna davvin
Árja dajai 2009:s ahte Sámediggi ferte šaddat čielgasit oasálaš davviguovlluid nannendoaimmain. Sámediggi galgá leat deháleamos eaktobiddji áššiin mat gusket dasa mii sámi guovlluin dáhpáhuvvá. Árja oaivvilda ahte ferte mihá eanet deattuhit dán makkár eavttuid vuođul dát eanaguovlu ieš dáhttu ovdánit. Sámediggi galgá ovttas báikkálaš servodagaiguin leat čielga jietna davvin, guovddáš fápmočoahki vuostá.
Árja dáhttu leat:
– Čielggas dan áššis ahte Sámediggi ferte oažžut eanet váikkuhanfámu davviguovlluid politihka sisdoalu ja vuoruhemiid hábmemis.
–Ovddosduvdi oažžut Sámedikki šaddat eanet doaimmalaš oasálastin forain gos mearrádusaid dahket, nugo Árktalaš Ráđis – doppe fertešii Sámediggi oažžut sierra stáhtusa.
– Čielggas dan áššis ahte sámi máhttopolitihkka lea dehálaš. Sámediggi ferte oažžut čielgasit rolla Davviguovlluid politihkas ovttas Ráđđehusain.