Nuortalaččaid ja bihtánsámiid giella ja kultuvra

Unnitlohku unniloguálbmogis lea min ovddasvástádus

Sámediggi berre nannet nuortalaččaid ja bihtánsámiid ovddasteami Sámedikkis, ja vuoruhit sin kultuvrra seailluheami. Árja oaivvilda ahte nuortalaččaid ja bihtánsámiid giella ja kultuvra lea earenoamáš rašes dilis, ja sin rivttiid beassat doaimmahit iežaset kultuvrra ferte nannet ráđđálaga nuortalaččaid ja bihtánsámiid ovddasteddjiiguin.

Árja áigu:

– Oažžut áigái buoret gulahallama gaskal Sámedikki ja nuortalaččaid ja bihtánsámiid ovddasteddjiid.

– Sihkkarastit ekonomalaš doarjaga doaimmaide mat oainnusindahket ja nannejit bihtánsámegiela ja kultuvrra, earet eará dakko bokte ahte doarjut Bihtánsámi guovddáža Duoddara Rafe.

– Sihkkarastit ekonomalaš doarjaga doaimmaide mat oainnusindahket ja nannejit nuortalaččaid organisašuvnnaid, kultuvrra ja giela seailluheami.

– Ahte galgat árvvoštallat berrejit go Sámedikki válgaortnegis leat mekanismmat mat sihkkarastet nuortalaččaid ja bihtánsámiid ovddasteami Sámedikkis.

– Ahte Sámediggi lágida sierra konferánssa dan birra movt diggi buorebut galgá sáhttit áimmahuššat nuortalaččaid beroštumiid boahtteáiggis, maiddái Sámi Parlamentáralaš Ráđi bargguin.

– Bargat oažžut kvenagiela 3.dássái Unnitlogugielaidlihtus.