Árjjain ođđa áigái Sámedikkis!

Árja hirpmástuhtii buohkaid maŋŋá Sámedikki 2009-válggaid. Árja mii vuođđuduvvui jagi ovdal, oaččui golbma áirasa Sámediggái ja Árjjas lei velá Sámedikki várrepresideanta, Láilá Susanne Vars, olles áigodagas 2009–2013. Árjjas ledje lahtut buot golbma politihkalaš lávdegottiin Sámedikkis, ja iešguđetge ráđiin.

Maŋŋá 2013-válggaid oaččui Árja njeallje áirasa Sámediggái. Árjjas ledje lahtut buot Sámedikki lávdegottiin. Árja searvvai ođđa ráđi nammudeapmái juovlamánus 2016. Bargiidbellodaga Vibeke Larsen válljejuvvui Sámedikki presideantan ja Ronny Wilhelmsen várrepresideantan. Árjja presideantaevttohas 2017-válggaide, Inger Eline Eriksen, nammaduvvui ráđđelahttun. Mariann Wollmann Magga, Bargiidbellodat, ja Lars Filip Paulsen, Olgeš, leiga maiddái Sámediggeráđis.

Árja oaččui ovtta áirasa Sámdiggái maŋŋá 2017-válggaid, Inger Eline Eriksen Fjellgren, gii čohkká Sámedikki ealáhus- ja kulturlávdegottis dán áigodagas.

Min oainnut muđui

Válgaprográmma 2017-2021

Árja lea olahan

Árja lea olahan máŋga mihtu maŋŋá go bellodat beasai Sámediggái 2009:is. Dás muittuhat muhtun áššiid.

Searvan lasihit ruđa árktalaš eanoadoalu ruhtadeapmái. Sámediggi lea lasihan ruhtadeami dán dehálaš bargui maŋimuš áigodagas.

Buoridan gulahallama eanadoalu organisašuvnnaiguin ja Norgga Boazosápmelaččaid Riikkaservviin.

Árja lihkostuvai áŋgiruššamiin vuođđudit Sámedikki vuorrasiidráđi. Dát ráđđi lea nannen Sámedikki barggu politihkalaš áššiiguin eallilan olbmuide.

Árja lea ovddidan Sámediggái álggahit báikegottiid skuvllaide fierpmádaga mii dál lea ásahuvvon. Bellodat lea maiddái lihkostuvvan áŋgiruššamiin go Sámediggi vuođđudii ruhtadeami árbedieđu oahpahussii báikegottiid skuvllaide.

Dieđit miellahttun!

Miellahttodivat 100 ruvnnu
Peanšunisttaide 50 ruvnnu
Skuvlaohppiide 50 ruvnnu
Mávsse dán kontui: 4901 15 82361.

Dál sáhtát Vippsan máksit miellahttuvuođa
Vipps nummir: 88600

';
Gnist - web som funkler