Sámediggeáirras

Inger Eline Eriksen Fjellgrenii lea Árjja presideantaevttohus ja lea 29 jagi. Sutnje lea dehálaš ahte mii sámit galgat beassat ássat ja birget min árbevirolaš guovlluin sihke odne ja 100 jagi geahčen. Danne eat sáhte nuoskkidit ja bilidit min birrasa ja luonddu. Son áigu bargat sihkkarastit ahte sámi mánáin lea vuoigatvuohta sámegielfálaldahkii mánáidgárddi rájes ja ahte dákkár fálaldat gávdno, ja ahte leat doarvái bargit ja oahpaheaddjit. Son oaivvilda ahte sámi vuorrasiin lea vuoigatvuohta buorre dilis eallit maiddái sin boaresbeivviin, ja ahte sii besset hállat eatnigiela ja ahte birrasis lea áddejupmi sin kultuvrii.

Inger Eline lea bajásšaddan smávva gilážis Molležis Kárášjoga olggobealde gos bearaš lea birgen sávzzadoaluin ja meahcástemiin. Odne son orru Kárášjogas isidiin ja máná guoktáin. Sis lea ruovttugiellan sihke davvi- ja lullisámegiella.

Inger Elines lea masteroahppu juristan Romssa universitehtas ja Duiskkas. Son lea bargan advokáhtafámohassan lulde ja duopmárfámohassan Sis-Finnmárkku diggegottis Deanus. Son leamaš Sámedikkis áirrasin 2013 rájes, ja áigodagas 2009-2013 lei son várreláhttu. Inger Eline válljejuvui juovlamánu 2016 sámediggeráđđái ja son lea nuoramus ráđđeláhttu goassege. 

Inger Eline válljejuvvoi Árjja áirrasin Sámediggái 2017-válggain. Son čohkká Sámedikki ealáhus- ja kulturlávdegottis.

Gnist - web som funkler