Gonagasreabbabivddu reguleren

Ođđasat

Norgga gonagasreabbabivddu regulerema ii dieđe goassege mo muddejit ja Finnmárkku guolásteaddjit ellet dan dihtii eahpesihkkarvuođas.

Dálá njuolggadusaid mielde oažžu guolásteaddji guhte bivdá guliid unnimus 100 000 ruvnnu ovddas jahkái, olles gonagasreabbaeari. Dál evttohit Fiskarlaget Nord ja Norges Fiskarlag muddet jahkásaš guollebivddu gáibádusa 500 000 ruvnnu rádjái. Dalle eai oaččoše šat sámi guolásteaddjit geaid guollesálaš dábálaččat lea unnibuš go beallemiljovnna, šat gonagasreabbaeari. Dasa lassin lea maiddái njuolggadusat evttohuvvon muddejuvvot nu ahte buot guolásteaddjit geat bivdet fatnasiin vuollil 15 mehtera guhku, galget beassat searvat gonagasreabbabivdui Davvikáhpa nuorttabealde (26 gráda nuorta). Jus eambbo fatnasat besset bivdigoahtit reappáid Davvikáhpa nuorttabealde, de unnu juohke fatnasa gonagasreabbaearri.

Árja muittuha ahte gonagasreabbabivdu álggu rájes lei buhtadussan daidda geaidda eanemusat bártidedje gonagasreappáid leavvama geažil.

Árja bivdá Sámediggeráđi ovddidit ášši Sámediggái gonagasreabbabivddu regulerema birra.

 

Gnist - web som funkler