Unnitlogu stivren buktá heajos beaggima

Ođđasat

Gaskavahku ovddiduvvui Sámedikki dievasčoahkkimis eahpeluohttámuš Sámediggeráđđái. Sivvan dasa lei go Sámediggeráđđi ii lean buktán dievaslaš dieđuid Sámedikki dievasčoahkkimii juovlamánus ráđi čanastusaide Áltta sámiid searvái.

Árjja sámediggejoavku ii ane árvvus Sámedikkeráđi bargovuogi go ii buvtte rivttes dieđuid.

Árja dattege ii dorjon eahpeluohttámuševttohusa, muhto ii leat duđavaš ja atná dohkketmeahttumin ahte Sámediggeráđđi buktá boasttu ja váilevaš dieđuid Sámedikki bajimuš orgánii, dievasčoahkkimii.

NSRa unnitlohkoráđđi vásihii eahpeluohttámuševttohusa, ja oaččui Árjja doarjaga beassat joatkit stivret. Árja vuordá NSRa nannet ráđi parlamentáralaš vuođu Sámedikki stivremii dán áigodaga lohppii.

– Árja ii leat duđavaš Sámediggeráđi doaimmain. Ovddádusbellodaga eahpeluohttámuševttohus muitala ahte dievasčoahkkin nimmorda dađistaga eambbo ja eambbo, dadjá Árjja parlamentáralaš jođiheaddji Láilá Susanne Vars.

Gnist - web som funkler