Min arvevuovdi – mearrabiras

Ođđasat

Riikapolitihkkárat johtet máilmmi birra áŋgiruššan dihte birasáššiid ja leat heađástuvvan go birasáššit eai váldojuvvo vuhtii ja go ráđđehusat eará máilbmeguovlluin eai čuovvol birasšiehtadusaid. Mii máksit miljárddaid birasfoanddaide duoppil dáppil, ja muitaladdat man dehálaš lea árvevuvddiid gáhttet birrasa dihte.

Muhto go galgá Ráđđehusa biraspolitihka min arvevuovddi – mearrabirrasa – ektui mihtidit, de gal beahtahallat. Go dál diktet luoitit ruvkebázahusaid merrii, de lea Norga njunnošin máilmmis iežas vihttalogi proseanttain buot máilmmi mearradeponiijain. Norga lea viđa riikkaid searvvis, ja áidna riika Eurohpás, mii diktá merrii luoitit ruvkebázahusaid.

Guolástusa árvoháhkan lea áibmadas ja lea nubbin stuorámus ealáhussan Norggas. Dáinna lobiin maid dál leat addán, sáhttá guolástusa beaggin buhtes borramušain duššiid dihte njeidojuvvot.

Árja háliida:

– Nannet ahte min guovllut eai galgga luondduriggodagaid dušše sáddet eará guovlluide. Luondduriggodagaid ávkkástallamii čavgešeimmet birasgáibádusaid bajimus dássái. Mii maiddái nannešeimmet bearráigeahččama vai birasrihkkumiid eastadivččiimet.

– Leat beaktilis vuostálasti ruvkedoaimmaide mat nuoskidit vuonaid ja duoddariid mirkkolaš bázahusaiguin, go mii vuoruhat buhtes birrasa olbmuide ja buot eallagiidda luonddus.

– Ovddidit njuolggadusaid mat geatnegahttet fitnodagaid ruvkedoaimmain, oljobohkamiin ja biebmanealáhusas birrasa bearráigeahččat davviguovlluin.

Gnist - web som funkler